ഹിജാബ് അബദ്ധമെന്നു പരിതപിക്കുന്നവരോട് സ്നേഹപൂർവ്വം…

ബാല്യത്തിൽ മാതാപിതാക്കളുടെ പരിലാളനയിൽ നാം പിച്ചവെച്ചുതുടങ്ങി. ചെറുപ്പകാലത്തു നമ്മുടെ രക്ഷിതാക്കൾ ചിലനിയത്രണങ്ങൾ നമ്മുടെ മേൽ ഏർപെടുത്തിയിട്ടുണ്ടാകുമെല്ലോ അവിടെ പോകരുത് /സ്‌കൂൾ വിട്ടാൽ വേഗം മടങ്ങിയെത്തണം /ടൂറിന് ഇപ്പോൾ പോകണ്ട ഇങ്ങനൊക്കെ…,  ഇതൊക്കെ നമ്മളോടുള്ള ഇഷ്ടക്കൂടുതൽ കൊണ്ടാണെന്ന് അന്ന് നമ്മൾക്ക് ചിലപ്പോൾ മനസിലായിട്ടുണ്ടാകില്ല. പറഞ്ഞുവരുന്നത് അവർ നമ്മെ അതിരറ്റ് സ്‌നേഹിക്കുമ്പോൾ  മക്കളുടെ സുരക്ഷയുടെ കാര്യത്തിലും ഏറെ  ജാഗരൂകരായിരിക്കും.
അതുപോലെ തന്നെ പരിശുദ്ധ ഇസ്ലാമിലെ സ്ത്രീ വർഗ്ഗത്തിന്റെ കാര്യം പരിശോധിക്കുകയാണെങ്കിൽ….  നമ്മെ ഏറെ ചിന്തിപ്പിക്കാനുതകുന്നതാണ്, ഖുർആൻ തന്നെ ഓര്മിപ്പിക്കുന്നുണ്ടെല്ലോ നമ്മോട്  നിശ്ചയമായും ചിന്തിക്കുന്നവർക് ദൃഷ്ടാന്തമുണ്ട് എന്നു…., റബ്ബ് സ്ത്രീകളെ പുരുഷന്മാർക്ക് ഇണയാക്കി തുണയാക്കി വെച്ചിരിക്കുന്നു. പ്രകൃത്യാൽ അവൾ പുരുഷന് പിന്നിലാണ് എങ്കിലോ ജൈവപരമായി ഒട്ടേറെ മേന്മകൾ ഉണ്ട് താനും. ആൺമനസിനെ കീഴടക്കുന്ന മാന്മിഴികളും ആകാരവടിവുകളുമായി  പടക്കപെട്ട പെണ്ണിനെ ചിപ്പിക്കകത്തെ മുത്ത് ആയിട്ടാണ് ഇസ്ലാം പരിചയപ്പെടുത്തുന്നത്.

   നമ്മൾ വിലപിടിപ്പുള്ള മുത്ത് ഷോകേസിൽ പ്രദർശനത്തിന് വെക്കാറില്ലല്ലോ അതു  എത്രമാത്രം രഹസ്യമാക്കി സൂക്ഷിക്കുന്നുവോ അതുപോലെ തന്നെയാണ് പാവന ഇസ്ലാമും സ്ത്രീകളെ സൂക്ഷിച്ചു വെക്കുന്നത് .
അപ്പോൾ ചിലർക്ക് തോന്നിപോകും, അതിനു നമ്മൾ എന്തിനാണ് ഇങ്ങിനെ മൂടിപ്പുതച്ചു നടക്കേണ്ടത്, ഇത് കുറച്ചു ഓവർ അല്ലെ എന്നൊക്കെ….  ചെറുപ്പത്തിൽ വീട്ടിൽ നിന്നും  നിയന്ത്രണങ്ങൾ വരുമ്പോളും ഇതേ ചിന്ത അല്ലെ നമുക് വന്നിട്ടുള്ളത്. അതു  പോലെ  ഇസ്ലാം ഏറെ സ്നേഹിച്ചു ആദരിച്ചു വെച്ച സ്ത്രീകളെ അവരുടെ സുരക്ഷ  മുൻനിറുത്തി ചില നിയന്ത്രണങ്ങൾ വെക്കുന്നത് എങ്ങിനെ അടിച്ചമർത്തൽ  ആകും ?.

       നമ്മുടെ  വീട്ടിലെ  കിച്ചണിൽ  രണ്ടു  വാഴപ്പഴം  ഒന്നു  തൊലിയോട് കൂടെയും  മറ്റേതു തൊലികളഞ്ഞും വെച്ചിട്ടു അൽപനേരം കഴിഞ്ഞു നോക്കിയാൽ എന്ത് മാറ്റമാണോ നമുക് കാണാൻ കഴിയുക അതു തന്നെയാണ് ഹിജാബ്  ധരിച്ചവരും ധരിക്കാത്തവരും തമ്മിലുള്ള വിത്യാസം . ഒരുവൾ തന്നെ നികാഹ് ചെയ്ത ആൾക്ക് മാത്രം  തന്റെ സൗന്ദര്യത്തെ സമർപ്പിക്കുമ്പോൾ രണ്ടാമത്തവൾ തന്റെ അഴകിനെ കാണുന്നവർക്കൊക്കെ കണ്ടാസ്വദിക്കാനായി തുറന്നിടുന്നു.

പെണ്ണ് വീടെന്ന കൊട്ടാരത്തിലെ രാഞ്ജി ആണ്. അവളോട് തന്റെ ഭരണത്തെ പറ്റി വിചാരണനാളിൽ റബ്ബ് ചോദിക്കുമത്രേ. സംശുദ്ധിയുടെ മതമായ ഇസ്ലാം പെണ്ണഴകിനെ തന്റെ ഭർത്താവിന് മുന്നിലായി മാത്രം പരിമിതപ്പെടുത്തിയതിന്റെ ഔചിത്യം നമ്മൾ ചിന്തിച്ചു നോക്കിയിട്ടുണ്ടോ.., മിഹ്റാജ് രാവിൽ നരകത്തിൽ ഏറെയും കണ്ടത് സ്ത്രീകളെയാണ് എന്ന് പൊന്നുമോൾ ഫാത്തിമ ബീവിയോട് മുത്തുനബി  صلى الله عليه وسلم വിങ്ങിപൊട്ടിയെങ്കിൽ നമുക്കു എങ്ങിനെ ഹിജാബിനെ നെഞ്ചോട് ചേർക്കാതിരിക്കാൻ കഴിയും ?!…. അതെ… ഹിജാബ് ഞങ്ങൾ തരുണികൾക്കു അലങ്കാരമാണ്.

അബ്ശാൻ
മത്ര ക്ലാസ്‌റൂം , ഒമാൻ

മറു വിസ്‌ഫോടനം

 ആദ്യം അന്ത്യമിലൊടുങ്ങുമ്പോള്‍
ഉണ്‍മ നാശമില്‍ കലാശമാ…
കയറ്റം ഇറക്കമില്‍ പതിയുമ്പോള്‍
ജനനം മരണമില്‍ പൊലിഞ്ഞു പോം.

രാവിന്‌ പകലും ഉദയത്തിനസ്‌തമയവുമായ്‌ ദിനങ്ങളൊന്നായ്‌ കൊഴിയുമ്പോള്‍ മഹാ വിസ്‌ഫോടനം
മറു വിസ്‌ഫോടനമില്‍ പതിയുമോ?

കത്തിജ്ജ്വലിക്കുമീ സൂര്യഗോളം
അണയുമോ,
പൂനിലാവൊളി വിതറും
പൂർണ്ണേന്ദുവിന്‍ ശോഭ മായുമോ?

മിന്നിത്തിളങ്ങും താരക ദീപങ്ങള്‍
തന്നൊളി മങ്ങുമോ,
ചന്ദ്രാർക്കരൊന്നായി ത്തീരുമോ….
കര കാണാക്കടലീ കരയിലണയുമോ?

ഹരിത വനങ്ങള്‍  ഇന്നഗ്നിക്കിരയാകുമ്പോള്‍
സാഗരമിലുമൊരു ദിനമില്‍ അഗ്നി
പടരുമോ,

ഭുവന വാനങ്ങള്‍ പൊട്ടിപ്പിളരുമോ…..
അലങ്കാര ദീപങ്ങള്‍ അടർന്നു വീഴുമോ?

ചിതറിത്തെറിച്ചു പാറിടും ചിത്ര ശലഭ
ങ്ങള്‍ പോല്‍ മർത്യ പുത്രരാകെയും
പറന്നു പൊങ്ങുമോ?

അവനി തന്നന്തരത്തിലുള്ളതൊക്കെ
യും വെളിയിലാക്കി തന്‍ കഥകളോ  തിടുമ്പോള്‍,
മാമലകള്‍ ഒഴുകും മണല്‍ ക്കൂന
പോല്‍ ഭവിക്കുമോ?

കിഴക്കുണരും സൂര്യ രശ്‌മി തന്നസ്‌ത
മയ ദിക്കിലുദിച്ചുയരുമ്പോള്‍,
മിഥ്യയല്ല സത്യമെന്ന്‌ മാനവെന്‍റ
മാനസം തിരിച്ചറിയും.

പശ്‌ചാത്താപ വാതിലുകള്‍ അടഞ്ഞീ
ടും ആ ദിനമില്‍ നേരിന്‍ വഴിയില്‍
ഗമിച്ചിടാന്‍ മാർഗമേതുമില്ലാ………

മാനവെന്‍റ മാനസമില്‍ വിസ്‌മയത്തിന്‍ സാഗരമായി ഭവിച്ചീ
ടുമോയീ അത്‌ഭുതങ്ങളാകെയു മീ
പ്രപഞ്ചമില്‍……!

സംശയം വേണ്ടാ മർത്യാ നിനക്കൊട്ടു
മേ ഇതില്‍ വിസ്‌മയ ദിനമല്ല ഭീതിത
മേറീടുമാ ഭീകര ദിനത്തെ നിന്നുള്ള
മിലോർത്തീടുകില്‍ നിനക്കതേറ്റം നന്ന്‌!

      നഫീസ എ പയ്യോളി
റിഫ ക്ലാസ്‌ റൂം
ബഹ്‌റൈന്‍

ഞെട്ടറ്റ ജീവന്‍

 കാതുകളില്‍ മരണ മണി മുഴങ്ങിടും
നേരമില്‍,
ഉറച്ച പാദങ്ങളാല്‍ നടന്നു നീങ്ങവേ…

ചുറ്റും ഓരിയിടുന്നു ചെന്നായക്കൂട്ടങ്ങള്‍,
എങ്കിലും തെല്ലുമൊരു പരിഭവമില്ലീ കണ്‍കളില്‍.

തന്‍ ദൈവ സമർപ്പണ പാതയില്‍
ഉള്ളം കുളിരണിഞ്ഞുവെന്നല്ലാതെ
മറ്റൊന്നും ചെയ്‌തതില്ല ഈ……
പാവം മഌഷ്യന്‍.

യാസിർ അമ്മാറും സുമയ്യ ബീവിയും
ഹംസത്തുല്‍ കർറാരും ബിലാലെന്നവരും,

സഹിച്ചൊരീ മർദ്ദന മുറകള്‍ ഉള്ളം
കിടിലമണിയിക്കുമ്പോള്‍,
അടി പതറില്ലൊരു വിശ്വാസിയും
ഒരു വാള്‍ മുനയ്‌ക്കു മുന്നിലും…!

ഏറെ നാള്‍ കൊതിച്ചിട്ടീ സത്യാദർശം
തളിരണിഞ്ഞപ്പോള്‍,
അറുത്തു മാറ്റി ആ രക്ത ദാഹികള്‍
ഈ സുമനസ്സിനെ…

മതവൈരികള്‍ മെനഞ്ഞെടുക്കുമീ
രോഷമില്‍ ഞെട്ടറ്റുപോയി
ആ കൊടുഞ്ഞി തന്‍ വീര
പുത്രന്റെ ജീവനിന്ന്‌…!

വെട്ടി മാറ്റാം വിശ്വാസി തന്‍ മേനി
പക്ഷേ…………
കഴിയില്ല നിങ്ങള്‍ക്കു വെട്ടി മാറ്റാന്‍ ഈ സുദൃഢ വിശ്വാസമൊരിക്കലും…..!

നഫീസ എ പയ്യോളി
റിഫ ക്ലാസ്‌ റൂം
ബഹ്‌റൈന്‍

യഥാർത്ഥ പ്രണയം…

കാമ്പസുകളിൽ പാറിപറക്കുന്ന നിശയുടെ യാമങ്ങളിൽ വാട്സാപ്പിലൂടെ പ്രണയത്തിന്റെ ചൂട് പകരുന്ന കമിതാക്കളോട് നാമെന്ത് ഓതിക്കൊടുത്തലും അവർക്കതു ഒരു കുലുക്കവും ഇണ്ടാകുകയില്ല.
മതം ഹറാമാക്കിയ ആ അന്യ സ്ത്രീ പുരുഷ സല്ലാപം കാണുന്നവർക്കു പുച്ഛമാണെങ്കിലും അവർക്കൊരു മധുരം അതിൽ നിന്നും കിട്ടുന്നത് കൊണ്ടാണല്ലോ അവരതിനെ നെഞ്ചോടു ചേർക്കുന്നത്.
നാളെ പരലോകത് കൊടിയ ശിക്ഷക് കാരണമാകുന്ന ഈ നശ്വരമായ അവിഹിത ബന്ധത്തിന് ഇത്ര മധുരം നിങ്ങൾക്കു കിട്ടുന്നുണ്ടെങ്കിൽ……… . ………….
യഥാർത്ഥ പ്രണയത്തിന്റെ മധു എത്രയാണെന്ന് നിങ്ങൾ ചിന്തിച്ചിട്ടുണ്ടോ……. . ?????
ആ തിരു തൊയ്‌ബ മലർവാടിയിൽ മന്ദസ്മിതം തൂകുന്ന മുസ്തഫാ صلي الله عليه وسلم നെ പ്രണയിക്കുമ്പോളുള്ള ആനന്ദം അതു വാക്കുകളിൽ വര്ണിക്കാനാവില്ല. ഒരു കണ്ണിമകും കണ്ടാൽ മതിവരാത്ത ഒരു കർണ പുടത്തിനും കേട്ടു കൊതി തീരാത്ത എഴുതിയാൽ കൈ കുഴഞ്ഞാലും ഒരിത്തിരി പോലും വർണിച്ചു തീരാത്ത ഖൽബകം കൊണ്ട് ആശിഖ്‌ഈങ്ങൾ പ്രണയിച്ചു പ്രണയിച്ചു മതിവരാത്ത മുല്ലമലർത്തോപ്പിലെ മാണിക്യ മുത്തേ….صلي الله عليه وسلم .. മതിവരുന്നില്ല ഞങ്ങക്ക്…… പ്രണയിച്ചു പ്രണയിച്ചു പ്രണയത്തിന്റെ  പറുദീസയിൽ ചെന്നണയാനാണ് ആശ.
സുലൈഖ ബീവിന്റെ കൊട്ടാരത്തിൽ യുസുഫ് നബിന്റെ മുഖകമലം കണ്ടു ആപ്പിളിന് പകരം വിരൽ ചെത്തിയത് ഒര്കുമ്പോ ഇവൾക്ക് തോന്നിപോകാ അവരെങ്ങാനും എന്റെ
ഹബീബിന്റെ صلي الله عليه وسلم തിരുവജ്ഹ് ദർശിച്ചിരുന്നുവെങ്കിലെന്നു… നിങ്ങളിലെ ജീവന്റെ തുടിപ്പ് പോലും നിങ്ങളിൽ ശേഷിക്കില്ലെന്നു, കമിതാക്കളെ നിങ്ങളും എന്റെ മുത്തു തിങ്കളാം ആറ്റൽ നബിയോരെ صلي الله عليه وسلم  തിരു നൂർ പ്രസരികും അമ്പിളി നാണിക്കും ഷംസ് മറഞ്ഞിരിക്കും ആ പൂവദനം ഒരു സെക്കന്റിന്റെ ആയിരത്തിൽ ഒരംശം എങ്കിലും കണ്ടിരുന്നുവെങ്കിൽ……….. . ..     വര്ണിച്ചാൽ തീരാത്ത തേനിനേക്കാൾ മധുരമുള്ള പാലിനേക്കാൾ പരിശുദ്ധമായ ആ തൊയ്‌ബ മലർത്തോപ്പിലെ ആ തിരു മധു നുണയാൻ വെമ്പൽ കൊണ്ടേനെ
Abshan
Mathra Classroom
Oman

ഹാദിയ മങ്കമനസ്സിലെ തങ്കശോഭ

ഹാദിയ
നിന്നെ പുൽകാൻ
മനസ്സ് എന്നോ ആഗ്രഹിച്ചിരുന്നു
ഊരും പേരു പോലും
അറിയാതിരുന്നിട്ടും
സ്വന്തമാക്കണമെന്നു
കൊതിച്ചു നടന്നവർ
എത്രയെത്ര പേർ.

ഹാദിയ
നിന്നെ തിരയുകയായിരുന്നു
വിശ്വാസികൾ
നിന്നെക്കുറിച്ചു
കളഞ്ഞു പോയ മുത്തെന്ന്
പഠിപ്പിച്ചു തന്നിരുന്നു.
എവിടെക്കണ്ടാലും
സ്വന്തമാക്കണമെന്നും.

നിന്നെ ഞങ്ങൾക്കെത്തിച്ചു തന്ന
പ്രിയ ഗുരുവര്യരെ,
അറിവന്വേഷണങ്ങൾക്ക്
പര്യായം പോലെ
ഞങ്ങളുടെ ഹാദിയയെ
അണിയിച്ചൊരുക്കിയ
ശ്രേഷ്ഠ നേതൃത്വമേ….
ആയിരം പൂർണ ചന്ദ്രന്മാർ
വെളിച്ചമേകട്ടെ
ആ കർമ്മ വീഥിയിൽ.

ഹാദിയ ഒരു തറവാടാകുന്നു.
തങ്ക ശോഭയുള്ള
മങ്കമനസ്സുകൾ പിറക്കുന്ന
ജ്ഞാനത്തോപ്പിലെ
നിലാവെളിച്ചത്തിൽ
തെളിഞ്ഞു നിൽക്കുന്ന തറവാട്.

അടുക്കളപ്പറമ്പിൽ
പാത്രങ്ങളെ മേച്ചു നടന്നവളെ
സ്വപ്നങ്ങൾക്കും വിചാരങ്ങൾക്കും
ചങ്ങലത്താഴിട്ട്
ഏകാന്തതയുടെ വാടകമുറിയിൽ
സമയവുമായി യുദ്ധം ചെയ്തവളെ
പൊന്നാനിയുടെ
വിശുദ്ധ വിളക്കത്തു
വിളിച്ചിരുത്തിയത്
ഹാദിയ നീയാകുന്നു.

മനമുറിയിലിപ്പോൾ
അറിവിന്റെയും
പെൺവെണ്മയുടെയും
അകവിളക്ക് തെളിഞ്ഞു കത്തുന്നുണ്ട്
അർശിന്റെ തണലേറ്റുവാങ്ങാൻ
സൗഹൃദ കണ്ണികൾ
വിളക്കി ചേർക്കുന്നുണ്ട്

ഹാദിയ
എത്ര വേഗത്തിലാണ്
ഞങ്ങളുടെ ചര്യകളെ
നീ ക്രമീകരിച്ചത്.
ശൈലികളെ മാറ്റിമറിച്ചത്.
പഠിച്ച ജ്ഞാന മുത്തുകളും
വിതച്ച ധാന്യ വിത്തുകളും
ഒന്നിച്ചു മുള വന്നതിന്റെ
ത്രില്ലാസ്വദിക്കുകയാണ്
ഞങ്ങൾ ഹാദിയ കുടുംബത്തിലെ
പെണ്മനസ്സുകൾ.

പോകാതിരുന്ന സമയമിപ്പോൾ
മതിയാകാതെ വരുന്നതിന്റെ
ലോജിക്കും മാജിക്കും
ആസ്വദിക്കാൻ
ഞങ്ങൾ സ്ത്രീകളെ
അനുവദിക്കുക.

സൈനബ് അബ്ദുറഹ്‌മാൻ
റിയാദ് ചീഫ് അമീറ
ബദിയ ക്ലാസ്സ്‌റൂം
സൗദി അറേബ്യ

ആർത്തി

നശ്വരമാമീ ജീവിത പാതയില്‍
ആർത്തിയോടെ നാമോടിക്കിതച്ചിടുന്നൂ,

കണ്‍വെട്ടമില്‍ കാണുന്നതൊക്കെയും
തട്ടിയെടുത്തു നിർവൃതിയടയുന്നൂ
മർത്യർ.

നേടിയതൊന്നുമേ ശാശ്വതമല്ലെന്ന്‌
മഌജന്റെയുള്ളം മൊഴിയുകില്‍
പിന്നെന്തിന്നു ഈ പരക്കം പാച്ചിലിന്നു  നാം വൃഥാ……

തമ്പുരാക്കന്‍മാരായി സ്വയം വാണീടുമീ നാടു വിട്ടങ്ങു നാം പോയിടുമ്പോള്‍,

ഭീകരമായൊരാ മണ്ണറയില്‍
ഭീതി പൂണ്ട്‌ നാമൊറ്റക്കായിടുമ്പോള്‍,
സ്വരുക്കൂട്ടി വെച്ചതൊക്കെയും നമ്മെ
നോക്കിച്ചിരിക്കുന്നൂവോ?

മക്കള്‍ക്കു വേണ്ടി ക്കൂട്ടിയതെന്നു നാം
മറുപടി കൊടുക്കാന്‍ തുനിയും മുമ്പ്‌,

ആർത്തിയാലവരും അടിപിടിയായി
തന്‍ പിന്നാലെ തന്നെ മണ്ണറ കൊള്ളെ
കുതിക്കുമീ കാഴ്‌ചയില്‍,

അമ്പരക്കും ആത്മാവിന്‍ മുന്നില്‍
നിഷ്‌പ്രഭയായി കരിഞ്ഞുപോം
മൂഢനാം മർത്യന്റെ ആർത്തിയിന്ന്‌!!!

നഫീസ എ പയ്യോളി
റിഫ ക്ലാസ്‌ റൂം
ബഹ്‌റൈന്‍

രാത്രി

ഇത്തിരി വെട്ടമില്‍ ഒത്തിരി നേരം
പതുക്കെ പ്പതുക്കെ ഞാന്‍
നടന്നു നീങ്ങവേ,
ശോക മൂകമാം കൂരിരുട്ടിന്‍ മറവില്‍
നിന്നുയരൂം ധ്വനികള്‍ പേടിപ്പെടുത്തു
ന്നു എന്നെയും,

ഹിംസ്ര ജന്തുക്കള്‍ ഇഴജീവികള്‍
എന്തിനെയൊക്കെയോ 
ഭയപ്പെടുന്നുണ്ട്‌ ഞാഌം.

ഒടുവില്‍ അണഞ്ഞുപോയ ചൂട്ടിന്റെ
കുറ്റിയില്‍ തിരി തെളിക്കാന്‍
ശ്രമിക്കവെ,
തീപ്പെട്ടിയില്ലാ കൈയിലെന്നറിയുമ്പോള്‍
ഉള്ളം ഭയത്താല്‍ ത്രസിച്ചു പോം.

പക്ഷേ……

പകല്‍ വെട്ടം പോലെ ഈ നാളില്‍
രാത്രികള്‍ നിന്നു ചിരിച്ചിടുന്നൂ.
നിർമ്മാണശാലയായി തോന്നും വിധം 
ശബ്‌ദ കോലാഹലങ്ങള്‍ മറു പുറവും,
ഉത്സവത്തിന്‍ പ്രതീതിയെന്ന പോല്‍
തിക്കും തിരക്കുമായി വഴിയോരങ്ങളും
കാലത്തോടൊപ്പം ചമഞ്ഞിരിക്കുന്നൂ.

രാവിന്റെ ഇരുട്ടില്‍ രീരീരിരീയെന്നു
മൂളന്ന ചീവീടും
മിന്നിത്തിളങ്ങും മേനിയാല്‍
പൊന്‍ വെട്ടം തീർക്കുമീ 
മിന്നാമിഌങ്ങുകളും

സായം സന്ധ്യതന്‍ കാന്തിയും
പൂനിലാവിന്‍ ശോഭയും
നിശീഥിനി തന്‍ മ്ലാനതയു
കൂരിരുളിന്‍ ചൈതന്യവും
ഈനാള്‍ വഴികളില്‍
ഓർമ്മയില്‍ ഓളങ്ങളായി തിര തല്ലുമ്പോള്‍,
ഇനിയുള്ള നാള്‍കളില്‍
ഗതകാല സ്‌മരണയായി മാത്രമിനി ശേഷിപ്പൂ…….!!!

        നഫീസ എ പയ്യോളി
റിഫ ക്ലാസ്‌ റൂം
ബഹ്‌റൈന്‍

എന്നെ കൊതിപ്പിച്ച ഹാദിയ

പ്രവാസത്തിൻ മുഷിഞ്ഞ ഇടനാഴിക്കുള്ളിൽ
നിനച്ചിരിക്കാതെ അറിവിന്‍റെ കേതാരമായ്
ഒഴുകിയെത്തിയ ഹാദിയാ…

നിൻപഠന മുറികളിൽ നിന്നെനിക്കു കിട്ടിയ ദിവ്യമാം അറിവുകൾ
എൻ അന്തരംഗങ്ങളിൽ നിറഞ്ഞ് തുളുമ്പുന്നു …

സന്താപത്തിൽ സമാശ്വസിപ്പിക്കാനും
സന്തോഷത്തിൽ കൂടിച്ചേരാനും
ദീനിനെ പുൽകിയ സ്നേഹ കുസുമങ്ങളെ സമ്മാനിച്ച ഹാദിയാ…
തീനിന്‍റെ ലോകത്ത് നിന്ന് ദീനിന്‍റെ ലോകത്തേക്ക് കൈപിടിച്ചുയർത്തിയ ഹാദിയാ…
ബിസ്മിയുടെ ഗുണങ്ങളും ഹംദിന്‍റെ മഹത്ത്വവും
പഠിപ്പിച്ച ഗുരുക്കൻമാരുടെ ഓരോ വചനങ്ങളും എൻ കർണ്ണപുടങ്ങളിൽ നിന്നൊ ഴുക്കായ് ഹൃദയത്തിന്ന ന്തരാത്മാവിലേക്ക് പടർത്തിയ ഹാദിയാ…
നിന്‍റെ സാരഥിയായ് നിന്‍റെ കളങ്ങളിൽ നിറഞ്ഞ് നിന്നെ പുൽകിക്കൊണ്ട് മരണമെന്നെ കവർന്നെങ്കിൽ എന്ന് കൊതിക്കുന്നു ഹാദിയാ…
എങ്കിലെൻ കബറിടം നീ തന്ന ഗുരുക്കൻമാരുടേയും സ്വാലിഹാത്തുകളുടേയും തഹ് ലീലും തസ്ബീഹും കൊണ്ട് നിറച്ച് വിശാലമാക്കിത്തരില്ലയോ ഹാദിയാ…

രിഫ്സ സലിം
ഉമൈറ – ഗുബ്ര ക്ലാസ്സ്‌റൂം
ഒമാൻ

കനകം വിളയുന്ന നാട്‌

കനകം വിളയുന്ന നാട്ടിലൊന്നണയാന്‍
കടലോളം ആശ പെരുത്തു പെണ്ണില്‍,
നീണ്ട വിരഹത്തിന്‍ നോവില്‍ 
ഇടനെഞ്ച്‌ വേവുമ്പോള്‍ കദനത്തിന്‍
ഭാണ്ഡം അഴിച്ചു വെക്കാന്‍
സ്‌നേഹ തീരത്തൊന്നണയാന്‍
കൊതിച്ചു പോയീ…..

ഒടുവില്‍ വന്നെത്തിയ സൗഭാഗ്യ
നിമിഷങ്ങളില്‍ അറിഞ്ഞു വീണ്ടൂം
വിരഹത്തിന്‍ നോവ്‌ തന്നെ,
ബന്ധനത്തിന്‍ പിടി മുറുകിയ വിരഹം!

പൂനിലാവ്‌ കണ്ടീല പൂമ്പാറ്റയേയും
കണ്ടതില്ല, കുളിർ തെന്നല്‍ വീശിയില്ല
പൂങ്കുയില്‍ നാദവും കേട്ടതില്ല,
രാത്രിയില്‍ മാനത്ത്‌ കൗതുകം തീർക്കും മിന്നാമിഌങ്ങിനെയും കണ്ടതില്ലാ,
ഇടവപ്പാതിയും തുലാവർഷവും പോയിട്ട്‌ പുതുമണ്ണിന്‍ സുഗന്ധവും
അറിഞ്ഞതില്ല.

ഇപ്പോള്‍ പ്രഭാതമോ ഉച്ചയോ സന്ധ്യയോ നേരം ഇരുട്ടിയോ എന്നാകെയും ഉള്ള കുഞ്ഞു മക്കള്‍ തന്‍ ചോദ്യ ശരങ്ങള്‍ക്കു മുന്നില്‍
അറിയുന്നു നാടിന്‍ സൗഭാഗ്യം!

കുഞ്ഞു മനസ്സിന്നകത്തെ വിരസത
ഏറ്റം അലോസരമായി ഭവിച്ചു
ഫ്‌ളാറ്റിന്നുള്ളിലെ ഇടുങ്ങിയ റൂമോ
കനകം വിളയിക്കും ഈ നാടെന്ന ആത്മഗതമില്‍ ഉള്ളൊന്നു പിടഞ്ഞപ്പോള്‍, അറിഞ്ഞു
പ്രവാസത്തിന്‍ നെഞ്ചിടിപ്പ്‌!!!

അവിടമില്‍ ആശ്വാസത്തിന്‍ തുരുത്തുമായി വന്നണഞ്ഞു ഹാദിയ
അറിഞ്ഞു ഇത്‌ കനകം വിളയുന്ന 
നാട്‌ തന്നെ, ഇല്‍മിന്‍ കനകം വിളയിക്കാന്‍ ഫലഭൂയിഷ്‌ഠമാം
മണ്ണുണ്ടിവിടെയെന്ന്‌!!!

ഹാന്റി ക്രാഫ്‌റ്റില്‍ വിരിയുന്ന വിസ്‌മയമില്‍ കണ്ടു കുഞ്ഞിളം
മുഖങ്ങളില്‍ വിടരുന്ന പുഞ്ചിരി.
ആവേശമായി പടർന്നു അവരിലും
ഹാദിയാ……

ചുറ്റും പ്രകാശം പരത്തിടാന്‍ തിരി
തെളിയിച്ച ഈ പൊന്‍ വിളക്ക്‌,
മാറ്റത്തിന്‍ തിരി വിളക്കായ്‌
എങ്ങും വെട്ടം പരത്തി അണയാതെ
എന്നും ജ്വലിച്ചിടട്ടെ!!!!!!

നഫീസ എ പയ്യോളി
റിഫ ക്ലാസ്‌ റൂം
ബഹ്‌റൈന്‍

സൂര്യ തേജസ്സ്‌

വർഷം അഞ്ഞൂറ്റി എഴുപത്തി ഒന്നില്‍
മക്കാ മരുഭൂവില്‍ അന്നൊരു സന്‍മാർഗ ദീപം തെളിഞ്ഞു.

ദീപ ശിഖ തന്‍ കിരണങ്ങളാല്‍
പ്രപഞ്ചമഖിലം ഒളി പരന്നു.
അജ്ഞരാം കാട്ടാളർക്കന്നാ  ദീപ
കിരണം അണയ്‌ക്കുവാന്‍ തിടുക്കമായി.

നമ്ര ശിരസ്‌കനായി കിടക്കും നബി തന്‍ കഴുത്തിലന്നവർ ഒട്ടകത്തിന്‍ ചീഞ്ഞ കുടല്‍ മാല ചാർത്തി,

ശിരസ്സൊന്നുയർത്താന്‍ വയ്യാതെ
തിരുനബി അവിടെക്കിടന്നൊരാ നിമിഷങ്ങളില്‍,

ഓടിയടുത്തു തന്‍ കുഞ്ഞി ക്കൈകളാല്‍ വലിച്ചു നീക്കി
ദുർഗന്ധം വമിക്കും
കുടല്‍ മാല ആ കുഞ്ഞുമോള്‍.

തന്‍ പിതാവിന്‍ കദനകഥയോർത്ത്‌
ഉള്ളം വിങ്ങുമ്പോള്‍,
ക്രൂരമർദ്ദനങ്ങളുമായി അവർ
ഈ മണി മുത്തിനെയും
അഌചരരെയും ക്രൂശിച്ചു രസിച്ചു.

എല്ലാം ഈമാനിന്‍ മധുര മന്ദസ്‌മിതത്തില്‍ നിഷ്‌ഫലം!

അത്യുന്നതിയില്‍ സംസ്‌കാരഗോപുരമില്‍
സൂര്യ തേജസ്സായി എന്നും ശോഭിച്ചു നില്‍പൂ ആ പൊന്‍ കിരണം…!!!

           നഫീസ എ പയ്യോളി
റിഫ ക്ലാസ്‌ റൂം
ബഹ്‌റൈന്‍